يعنى ايه كلمه بحبك !!؟؟؟

عنوان الرسالة

ممكن يكون حقيقي

نص الرسالة

من تقريبا اكتر من سنه فاتت اتعرفت علي شاب علي الشات وبدء انجذاب عير طبيعي من الطرفين واتبدلنا ارقام التليفون وابتدي احساس غريب عدي حدود الصداقه عدي حدود معرفه النت بمعني اصح حبته جدا اكتر حتي من نفسي وهو كمان يمكن اكتر مني وهو بيشتغل بره مصر ونزل اجازه بس موافقش اننا نشوف بعض لانه بيقول انه مش عايز يلعب بيا ولان ظروفه متسمحش حاليا بلارتباط فقرر انه يمشي المره ده كمان من غير حتي منشوف بعض لانه لا عايز يوعدني بشيء ممكن الظروف متخلهوش يحصل وبيكرر كتير كلمه انه مش عايز يلعب بيا وانه عايزني انتبه لحياتي ومستنهوس بس المشكله فيا انا حاسه ان ده الانسان الي يستحق يكون ابو اولادي لانه فيه كل حاجه بحلم بيها بجد انسان ساحر وبصراحه عايزه استناه رغم انه مش بيطلب مني كدهالسؤال دلوقتي هو الي انا فيه ده وهو معايا بجد ممكن حد يجب حد من غير ميشوفه قدامه يحبه وهم بس شايفه بكل ما فيه والسؤال التاني استناه ولا انا بوهم نفسي بس انا فعلا بحب بجد اعمل ايه واخرج من الاحساس ده ازاي انا تقريبا بشوف كل حاجه من خلال افكاره\ملحوظه هم انسان بيصلي ومتعلم ومثقف جدا وبتاع شغل وطموح ومهذب ودمه خفيف وبيحبني جدا يمكن اكتر مني

الرد

أبنتى الحبيبة

يقول الله عز وجل ياأيها الذين آمنوا اتقوا الله وقولوا قولا سديدا

وهل كانت محادثة هذا الشاب ع الشات قولا سديدا

تعالى نتفق من البداية ان احنا بدأنا غلط

لأن ببساطه ماحدث لا يرضى اباك وامك ولا انت تحبين ان ترتبطى بشاب كان له علاقه بفتاه على النت ولكن كونك انت هذه الفتاه هو مالايشعرك بهذا

ابنتى ماانت فيه هو مجرد خيال من خيالات الشات وامراضه ...انتى بنيتى لهذا الشاب صورة مثاليه لمجرد انك اتكلمت معاه شويه ع النت..وده مش صح..ودايما مانتمناه بيكون أقل بكثير من الواقع...يعنى ببساطه ممكن انتى تكونى واحده من لسته طويلة جوه وبره مصر بيشات معاهم ممكن بيكون ولابيصلى ولا حاجه وبيقول كده...ممكن حاجات كتير...انتى هتعرفى منين

ابنتى....حقيقة مشكلتك انك

ا تبحثين عن من يسمعك..وتبحثين عن الحب..وتحلمين بالزواج..وتكثرين من الشات...فطبيعى انك تبقى فى مثل هذا الحال

استعيدى صداقاتك ونميها

قوى علاقتك بربك

ثقى فى أن الله سيسوق اليك الأنسان الذى كتبه لك وانت فى علم الغيب و فى الوقت المكتوب

ماعند الله لاينال الا بطاعته

هذه اسوء طريقه من الممكن ان يرتبط بها شخصين ببعض واحتمالات الخسائر فيها اكبر بكثير من النجاح

وعمرك لا يقبل المراهنه

السلام عليكم ورحمة الله وبركاته

للأسف دي مشكلة كتير من شباب وبنات الزمن ده

بل وأصبح كمان الشات ده ادمان بالنسبة للولد والبنت مع بعض

وده طبعا غلط من الأول لأني انا جربت زي المأساة دي بالظبط

اني اتكلمت مع واحدة وسبحان الله الشيطان دخلي من جانب اني اشجعها علي الدين اكتر

وصحيح اني كنت بكلمها عن الدين كتير وكمان خلتها تحفظ حوالي ثمان أجزاء لكن كل ده كان ضحك من الشيطان عليا

وهي كمان اتعلقت بيا حتي لما قلتلها كلامنا ده حرام كدا علي الشات واقنعتها اننا ما نتكلمش تاني عشان نرضي ربنا وهي وافقت ولكن رجعت بعدها بكام يوم تقولي هو

ليه كلامنا حرام وانا مش لاقيه حد غيرك علي النت كويس وكلام من ده لكن في الاخر الحمد لله ربنا نور بصيرتي وبعدت عن الطريق ده

وبجد بقول لكل شاب ولكل فتاة ياريت بجد تبعدوا عن القرف الشات ده لانه بجد احد طرق جهنم والعياذ بالله ولو مش هنتوب دلوقتي واحنا قادرين ممكن يجيلنا وقت

ونعوذ نتوب لكن يكون الوقت فاتنا وملك الموت قبض الروح

وشــــــــــــــــــــــــــــــــــكرا للأخت اميرة علي الموضوع ده المهم جدا

وجـــــــــــــــــــــــــزاك الله خيرا

السلام عليكم ورحمه الله وبركاته

أما بعد:

جزاكم الله خيرا استاذتى الكريمه ضوء الشروق على الموضوع المهم

وللاسف أصبح الموضوع منتشر

نسأل الله تعالى أن يجنبنا الفتن

وأستاذى الكريم احمد عادل

الحمد لله الذى أذهب عنك الفتنه

جمعنا الله وإياكم بالجنه

أميــــــــــــــــــــــــــــن

الموضوع جميل جدا وشيق بس ياشباب من منا لايدخل شات من منا وان كنت قد رحمك الله من ذلك ممكن ان يكون احد من البيت اخر: القضيه الي بناقشها مش من الاول الموضوع حرام كلنا مقتنعين بذلك بس القضيه هي ان الموضوع ده حصل وممكن يحصل مع انسانه مش ملتزمه وانسان مش ملتزم يبقي الحل ايه؟
مش هيقتنعوا من ناحيه الدين طبعا ممكن حد يرد عليه؟؟؟؟؟؟؟؟

» الجامعه نيوز يعنى" كل اخبار الجامعات يوم بيوم هتلاقوها هنا ادخلو وشوفوا كل الاخبار "